網紅的藏寶箱人好奇怪，尤其是我，喺外國旅行嘅時候，好似多多錢都可以洗。但係喺香港，唔知點解就比較容易慳住慳住！好似呢個花膠扒，其實聽咗好耐，終於上個星期先至的起心肝走去食。
係星期六嘅晚上，中信大廈真係水靜鵝飛，全幢樓得呢間Tomahawk有開，應該係，除非唔係！
入到去喺老闆嘅慫恿之下，叫咗個二人套餐，埋單超過$2000 ！
頭盤係生蠔、前菜係花膠扒（原本想食呢個主菜，結果變成前菜！人生無常，又見一班！）、個湯係蟹肉蘑菇再加上幾滴我唔係好鍾意嘅松露味道、主菜有半隻龍蝦，另外我揀咗豬扒。之後有雪糕同埋茶。
總嘅來講係美味，雖然係貴，但係我都覺得物有所值。反正成兩年冇去旅行，都慳埋慳埋唔少。
仲有，原來幻彩詠香江仲未收檔，由窗邊望出去雖然爛地盤一個，但係眼光再望遠少少，香港嘅夜景依然美麗！
#何嘉麗callmegaga #何嘉麗 #為食路上
#花膠扒 #Tomahawk #慳埋慳埋唔少
#一於喺香港散咗佢 #幻彩詠香江
#香港夜景係全世界最靚嘅沒有之一
Search